استفتاء في حب مصر ... أدخل وشارك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

استفتاء في حب مصر

[ندعوك للتسجيل في المنتدى أو التعريف بنفسك لمعاينة هذه الصورة]

في حب مصر نقدر نقول كتير وكتير

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

عاوزين نتكلم عن حب مصر

مصر اللى عشنا وهنفضل عايشين فيها طول حياتنا

مصر اللى اتربى فيها اهلنا وكبروا فيها وربونا فيها

مصر اللى نفديها بحياتنا ودمنا

مصر اللى ربنا ذكرها فى القرآن وكرمها وفضلها عن كل بلاد العالمئ

مصر اللى كانت القائد للعرب وهتفضل كده على طول

مصر اللى العالم كله بيتمنى انه يكون مكانها ومنها

مصر اللى علمت العالم كله الرقى والحضارة

مصر اللى كانت منارة العلم

مصر ارض النيل

مصر التاريخ

مصر اللى طلع منها اعظم واكبر العلماء والمفكرين والادباء

مصر دى حاجه كبيرة خالص

وأى حد يسافر برة او يعرف حد سافر برة ورجع اتكلم معاه شويه

تلاقيه بيقول شعر فى بلاد بره

ياريت تشاركونى فى الموضوع ده

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

[ندعوك للتسجيل في المنتدى أو التعريف بنفسك لمعاينة هذه الصورة]

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

[ندعوك للتسجيل في المنتدى أو التعريف بنفسك لمعاينة هذه الصورة]

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

[ندعوك للتسجيل في المنتدى أو التعريف بنفسك لمعاينة هذه الصورة]

في حب مصر ماينفعش نقول كلام

أكيد لوبقي فعل هيبقي دليل المصدقية لحب الوطن واضح
مصر حبها في دم كل واحد مننا ويكفي أنها بلد الأمن والأمان
ويكفي اننا عايشين فيها رافعين رؤسنا لفوق يعني مافيش محتل يذلنا ولايدوس علي كرمتنا
ولومكناش احنا المصريين نرفع رؤسنا لفوق مين تاني ممكن يكون رافع راسه
والحمدلله مابعناش عروبتنا مقابل كام دولار
ولاخلينا المستعمر يثبت قواعد عسكرية علي أرضينا الدور والباقي علي اللي بيدعوا العروبة وهما في الأساس عملاء

ليكي مني يامصر أحلي الكلام

انا القديم فى الكون

........انا حفيد فرعون

حارس تاريخ أمجادك

هاحفر بيدى سوادك

وأكسيك أحلى لون

دا كان غنا المواويل... لما تميل عالنيل
آدى النجوم قناديل.... والضى فى عيونك
وآدى الطريق مفروش..... بألف وش بشوش
وألف ايد بتحوش......... الجرح وتصونك
وصلت بحر الشوق بوريدى..... ومليته
وبايدى أحفر بحر .....وهأملى من تانى
"ماهو أصل عينك سحر والعشق أعمانى"
رمشك دلال ...رسمه الجمال... رسمة عجب
قرب ومال .....وشوشنى قال ...حبى وجب
قلت كده .... محلا كده..... عز الطلب
رسى بسفينتك هنا ....وفى قلبى حط الشط
كتب قصيدتك غنا ........وبدأت أفك الخط
لقيتها عنى أنا......... والعشق كان الشرط
انا قلت عاشق ومتلهف ...ومتشحتف.... ودايب

وقلبى راشق فى قلبك سهم الهوى صايب

قلتى بكل الفتن "عشقى خطر يا صبى"

حاسب على جنبك ...... لما أميل... جانب
يا محلا فيك العود ........اللى استوى بدرى
ونيلك المفرود ........... على خصرك الزهرى

والخضرة ع الشطين ياطاهرة وعفية

والبركة جاية منين من طين مروية

ومن عرق كفين زرعوا الهوى غية

من شمس تصحى الصبح ....وتطل من يدك
تبدر بذور الفرح ..............وترتجى ودك
يا مصر انتى الطلة ....والضى... والعناقيد
اسقينى مية قله .....اناسفرى لسة بعيد
أوصف عيونك ولا .....أنشد هواكى نشيد
عاشقك صبا شابه.... عاشقك شقا وتجاعيد
انا القديم فى الكون

........انا حفيد فرعون

حارس تاريخ أمجادك

هاحفر بيدى سوادك

وأكسيك أحلى لون

شكرا لمروركم العطر فى موضوعى